تي چۊم از قشنگي کاس ٚ دریایه
سبز ؤ دیلفریبه عین ٚ کلاچایه
تي مۊ پیچ ؤ تاب هچین گردنه هیرانه
حیف تي شلؤغه، رشت ٚ خیابانه
گیل ٚ کؤر ٚ دأنه تي نجابتأ بیمیرم
وختي سۊرخأ به تي دیم تي خجالتأ بیمیرم
مي دیل وسي تي چۊمانأ سؤرمه وأنْسين
هطؤيي قشنگی تي اصالتأ بیمیرم
تي مرأ سبزه مي دیل املش ؤ شلمانه مأنم
تو مي شيطان کوه ؤ من تره لاهیجانه مأنم
منجیل ٚ باد ٚ مانستن گردمه تي دؤر ؤ دیم
چؤن تي سر غیرتیم أنزلي زکانه مأنم
گیل ٚ کؤر ٚ دأنه تي نجابتأ بیمیرم
وختي سۊرخأ به تي دیم تي خجالتأ بیمیرم
مي دیل وسي تي چۊمانأ سؤرمه وأنْسين
هطؤيي قشنگی تي اصالتأ بیمیرم
لنگرود ٚ خشت ٚ پۊردم تۊيي مي جان ٚ رۊخان
بي تۊ دئن نأرم تو وأ بئسي کي سبزأ به مي جان
مي جأ دۊری أما مي دیل زنه پرپر تي وسي
أمي عشق وا دیپیچه آستارا جأ تا دیلمان
گیل ٚ کؤر ٚ دأنه تي نجابتأ بیمیرم
وختي سۊرخأ به تي دیم تي خجالتأ بیمیرم
مي دیل وسي تي چۊمانأ سؤرمه وأنْسين
هطؤيي قشنگی تي اصالتأ بیمیرم
دیدگاه کاربران